Ka nisur me përplasje mes socialistëve dhe demokratëve mbledhja në Komisionin Hetimor për shërbimet publike të sterilizimit dhe të Check-Up në ‘Shëndetësi’.
Një debat me tone të ngritura ka qenë ai mes kryetares së komisionit hetimor të “Shëndetësisë” Albana Vokshi dhe nënkryetarit Plarent Ndreca.
Debati:
Ekonomi: Unë nuk kam firmosur kontrata, nuk është e njëjta gjë nuk kam qenë në procesin e zgjedhjes
Vokshi: S’ ka lidhje kjo, keni qenë drejtuese
Vokshi-Ndrecës: E para mos ma ngri zërin se zonja Milva mbrohet vetë, jemi këtu për të hetuar, mos ndërhy, kur flas unë mos fol, unë dua të kuptoj se kush janë. Kujt i bërtisni juve, ngadalë uleni zërin, s’na bërtisni dot këtu, me etikë zoti Koçi, s’i drejtohesh dot kryetares kështu.
Koçi: Ça është kjo kështu.,
Vokshi: Mos bërtisni, flisni me edukatë se ndryshe ju nxjerr, mos guxo të ma ngrini zërin.
Ndreca: Po ju bëj thirrje zonja kryetare të ruani qetësinë,. lëre guximin tonë se nuk na e tregon dot ti. Ngritja e zërit u bë për uzurpimin që i bën mikrofonit. Nuk mund të flasësh 30 min për çdo anëtar që flet nuk mund të abuzosh. E bën muzikë a thua se morali yt është edhe i yni. Lëreni anëtaren ta vlerësojë ajo moralin. Ligjet i kemi për të ndarë atë që është e drejtë apo jo. Nëse keni ardhur të dëgjoni dëshmitarët jemi të gatshëm. Nëse keni ardhur të merrni copa aksionesh politike në komision ne nuk jemi këtu për këtë punë.
Në këtë mbledhje do bëhet thirrja e dëshmitarëve, përfaqësues të KLSH dhe përfaqësues të nismës “Thurje” në seancë dëgjimore për të sqaruar rrethana të ndryshme, që lidhen me çështjen.
