Ditën e sotme është mbajtur seanca e parë në Apelin e Posaçëm Antikorrupsion ndaj ish-kryetarit të Bashkisë së Kukësit, Safet Gjici.
Togat e zeza shtynë seancën më datë 20 qershor, për shkak të mos paraqitjes së Alma Kaçit.
Safet Gjici u dënua më datë 7 shkurt të këtij viti nga shkalla e parë me 3 vite burg, në aplikim të gjykimit të shkurtuar dënimi i konvertohet në 2 vite, nën akuzën e “shpërdorimit të detyrës”. Përveç dënimit, Gjykata e Posaçme Antikorrupsion i hoqi Gjicit të drejtën për të ushtruar funksione publike për 5 vite.
Safet Gjici u vu në pranga fillimisht i akuzuar për “korrupsion pasiv”, pasi dyshohet se ka favorizuar Alma Kaçin, duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet.
Vetë 40-vjeçarja ka pranuar se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin. Për Alma Kaçin, Gjykata vendosi dënim me 1 vit e 6 muaj, me gjykim të shkurtuar dënimi zbriti në 1 vit heqje lirie. Ndaj 40-vjeçares u ngrit akuza e “Prostitucionit”.
