Babë e bir, Gëzim dhe Rodrik Bejko, janë arrestuar në Sarandë pasi për motive të dobëta kanë dhunuar me sende të forta dhe grushte një person me inicialet A.V.
Gjithashtu të arrestuarit kanë dëmtuar pajisjet elektrike dhe linjën e energjisë elektrike të biznesit të A.V.
“Komisariati i Policisë Sarandë arrestoi shtetasit Gëzim Bejko 52 vjeç, dhe Rodrik Bejko 27 vjeç, të dy banues në Sarandë, pasi dyshohet se ditën e djeshme, për motive të dobëta, kanë goditur me grushte dhe me sende të forta, shtetasin A. V., si dhe kanë dëmtuar disa pajisje elektrike dhe linjën e furnizimit me energji elektrike të biznesit të këtij shtetasi.” -njofton policia.
Materialet i kaluan prokurorive, për veprime të mëtejshme.
