Pasi Gjykata e Apelit la në fuqi vendimin e gjyqtarit Agron Zhukri, dhe ia dha vulën e PD Sali Berishës,në selinë e Partisë Demokratike ka plasur festa.
Në pamje shihen demokratët teksa kërcejnë dhe thërrasin emrin e kryedemokratit Sali Berisha.
Kujtojmë që Partia Demokratike ishte futur në një kalvar përplasjesh me grupit të Rithemelimit dhe grupit të drejtuar nga ish-kreu i PD-së Lulzim Basha.
Gjykata e Apelit vendosi mospranimin e ankimimit të Enkelejd Alibeaj për vulën e Partisë Demokratike, duke i dhënë në këtë mënyrën siglën dhe logon e Partisë Demokratike zyrtare, Sali Berishës.
Duke mos pranuar ankimimin e Alibeajt, Gjykata e Apelit ka lënë në fuqi vendimin e Shkallës së Parë, të gjyqtarit Agron Zhukri i cili njeh vendimet e Kuvendit të 11 dhjetorit të mbajtur nga Rithemelimi.
Ky vendim bën që kryetari i Partisë Demokratike zyrtare të jetë ish-kryeministri Sali Berisha.
Pasi gjyqtarja dha vendimin për vulën, përfaqësuesit e Rithemelimit shpërthyen në duartrokitje nga entuziazmi.
