Anëtari i kryesisë së PD, Bardh Spahia në një reagim në rrjetin e tij social ‘Facebook’ shkruan se kontrolli politik i prokurorisë së posaçme, është kthyer në një nxitës të konfliktit social dhe politik dhe në vend.
Teksa dënon dhunën e ushtruar në protestën e sotme Spahia, shpreh vendosmërinë për të çuar betejën deri në fund, pavarësisht rrethanave.
Reagimi
Kontrolli politik i prokurorisë së posaçme është kthyer në një nxitës të konfliktit social dhe politik dhe në vend.
Nëse SPAK do të kishte qenë i pavarur dhe do të kishte zbatuar ligjin, Erion Veliaj sot do të ishte pas hekurave, drejtësia do të ishte vënë, misioni i protestës së qytetarëve para bashkisë do të ishte i kryer dhe s’do të kishte dhunë skandaloze ndaj përfaqësuesve të opozitës.
Për fat të keq, në Shqipëri flasim akoma me “nëse” dhe SPAK-u është akoma në stadin “nëse halla do të kishte etj etj”.
Duke dënuar ashpërsisht dhunën ndaj kolegëve dhe qytetarëve në protestat demokratike para Bashkisë së Tiranës, shpreh vendosmërinë tonë për ta çuar deri në fund betejën tonë. Këta që na vjedhin përditë nuk duhet t’i shpëtojnë drejtësisë! Ne nuk harrojmë dhe shumë shpejt do të vijë dita, që t’i ndëshkojmë.
