Sondazhet franceze thonë se lista e Rally Kombëtare (RN) e Marine Le Pen, e udhëhequr nga Jordan Bardella, kryeson në zgjedhjet për Parlamentin Europian me më shumë se 30% të votave.
BBC raporton se asnjëherë Rally Kombëtare (RN) e Marine Le Pen nuk kishte arritur të merrte një përqindje kaq të lartë votash sa kjo.
Partia Rilindja e presidentit Macron, e udhëhequr nga Valerie Hayer, ka dalë e dyta me 15.2% të numrit të votave.
Socialistët, nën drejtimin e Raphaël Glucksmann, kanë arritur 14% të numrit të votave.
Reconquest i ekstremit të djathtë të Eric Zemmour ka arritur 5.5%, ndërsa krahu i majtë France Unbowed (LFI) ka marrë 8.3%.
Dhe duket se të Gjelbrit arritën vetëm 5.2% – pak më shumë se 5% e nevojshme për të shkuar në Parlamentin Evropian.
Pjesëmarrja në Francë ishte afërsisht 51%, pra pak më e lartë se 50.12% e vitit 2019.
Kujtojmë se sipas sondazheve ka një rritje të partive të ekstremit të djathtë në të gjithë Europën.
