Në videoe mëposhtëm është vendi ku u gjet trupi i pajetë i recepsionistit 31-vjeçar Eraldo Nevruzi, i cili u vra me armë zjarri nga pronari i hotelit “Greccia” në Dhërmi, Gerald Shehu. Trupi është hedhur në një gurore në vendin e quajtur “Përroi i Gjipesë”, në zonën midis fshatrave Dhërmi dhe Vuno.
Policia ndodhet në vendin e ngjarjes, teksa ka rrethuar vendin ku u gjet viktima dhe ka bllokuar aksin rrugor në afërsi të urës së fshatit Iljaz.
Burime për mediat bëjnë me dije se ka qenë vetë autori Gerald Shehu, i arrestuar aktualisht në policinë e Korfuzit në Greqi, që tregoi vendin ku kishte hedhur trupin.
Ngjarja e rëndë ndodhi mesnatën mes 5 dhe 6 Qershorit. Burime nga policia e Vlorës bëjnë me dije se Gerald Shehu e kishte planifikuar vrasjen e Eraldo Nevruzi. Sipas burimeve, përgjatë mbrëmjes ai e kishte marrë veçmas viktimën në një dhomë ku pushonte stafi duke u kujdesur të justifikojë edhe mungesën e tij te vendi i punës.
Më pas ai e ka ekzekutuar i vetëm dhe me mbështetjen e dy bashkëpunëtoreve Daniel Qose dhe David Larti. Të tre e kanë zhveshur, i kanë marrë sendet personale, rrobat, dokumentet e identifikimit ja kanë djegur te furra e picerisë.
Më pas i ndihmuar nga personat në fjalë e kanë mbështjellë me plastmasa e kanë futur në mjetin tip Audi A8 dhe është larguar nga hoteli. Vrasja ka ndodhur rreth orës 1 të mëngjesit autori është nisur për Greqi në orën 5 duke pasur kohë të shkonte në shtëpi të ndërrohej të merrte pasaportat dhe lekë dhe të largohej drejt Greqisë me mjetin tip Audi A8.
Pas krimit, 43-vjeçari u arratis drejt Greqisë dhe u kap pasditen e së enjtes (6 Qershor) në ishullin e Korfuzit në Greqi. Ai u arrestua teksa po shkonte në aeroport dhe do të udhëtonte drejt Britanisë së Madhe. Kujtojmë se Gerald Shehu është i pajisur me dokumentacion të rregullt britanik.
Shkaqet e ngjarjes së rëndë nuk dihen ende. Por viktima Eraldo Nevruzi dhe autori Gerald Shehu kanë patur njohje mes tyre.
