Policia e Tiranës ka dalë me një komunikatë zyrtare në lidhje me arrestimin e Elvis Mirit, 30 vjeç nga Kruja, pronari i kompanisë “V.A.L.E RECYCLING”,. i cili u vu në pranga pas një hetimi të Prokurorisë së Tiranës në lidhje me abuzimet me tenderat e mbetjeve spitalore.
Me anë të kompanisë “V.A.L.E RECYCLING”, Elvis Miri ka marrë pjesë në mbi 200 tendera për asgjësim mbetjesh spitalore, prej vitit 2016, teksa ka akuzohet se ka mashtruar në lidhje me pajisjet e kompanisë. Mbi të rëndojnë akuzat për veprat penale “Falsifikimi i dokumenteve”, “Menaxhimi i mbetjeve” dhe “Aktivitetet e rrezikshme”.
Autoritetet policore raportojnë se në kuadër të operacionit të koduar “Recycling” kanë ekzekutuar dhe masën e sigrusië “Detyrimi për t’u paraqitur në Policinë Gjyqësore” dhe “Ndalimi i përkohshëm i ushtrimit të veprimtarisë financiare”, për shtetasen Elidiana Shehu, 45 vjeçe, nga Tirana (dministratore e një subjekti), si dhe për shtetasin Laert Shehu, 39 vjeç (administrator i një subjekti), për veprën penale “Falsifikimi i dokumentave”;
Ndërkohë, është ekzekutuar dhe masa e sigurisë “Pezullimi i ushtrimit të një detyre a shërbimi publik” dhe “Ndalimi i daljes jashtë shtetit”, për shtetasit Jorida Shabaku, 35 vjeçe, Edmond Palushi, 59 vjeç, Arben Marku, 53 vjeç, Norbert Dacaj, 42 vjeç, Alba Kurti, 39 vjeçe, Besarta Leka, 30 vjeçe, Ilir Bardhi, 48 vjeç dhe Kejdi Ahmetaj, 33 vjeç, të dyshuar për kryerjen e veprës penale “Shpërdorimi i detyrës”.
Emrat e mësipërm kanë qenë tetë inspektorë të Agjencisë Kombëtare të Mjedisit dhe Agjencisë Rajonale të Mjedisit Lezhë, që kishin kryer detyra inspektimi pranë kompanisë Vale Recycling prej vitit 2016 e në vijim.
“Këta shtetas dyshohet se në bashkëpunim me njëri-tjetrin, nëpërmjet subjekteve që administronin, kanë patur një tender për trajtimin e mbetjeve të rrezikshme spitalore për spitalin e Beratit. Njëri nga subjektet ka fituar tenderin për trajtimin e mbetjeve dhe në dokumentacionin pjesëmarrës në tendera është përdorur një shoqëri tjetër, e cila nuk ka patur teknologjinë e duhur, ndaj mbetjet e një spitali nuk janë asgjësuar sipas procedurës ligjore, për pasojë kanë krijuar problematika në shëndetin e njerëzve dhe në mjedis.” – thuhet në njoftimin e Policisë, teksa materialet i kanë kaluar Prokurorisë.
“Rezulton e provuar se personi nën hetim Elvis Miri ka marrë pjesë në mbi 200 procedura tenderi për asgjësim mbetjesh spitalore, prej vitit 2016 e në vijim, duke dorëzuar dokumentacion të rremë. Personi në hetim, pretendonte se kishte kapacitete për grumbullimin dhe trajtimin e mbetjeve spitalore duke i kthyer ato nga të dëmshme në të padëmshme por nga hetimi rezultoi se i mungonin pajisjet për ta realizuar një gjë të tillë. Deri në këtë fazë të hetimeve, rezultoi e provuar se shtetasi Elvis Miri, në bashkëpunimin me shtetasin Elidiana Shehu, kanë përpiluar akte të rreme prej vitit 2015 e në vijim, duke pasqyruar në kërkesat e tyre drejtuar AKM-së, nëpërmjet QKB-së, si dhe raporteve të vetmonitorimit peridike, në funksion të Lejes së Tipit B, një pajisje të tipit Econos Tsc 150, e cila në fakt është instaluar pas muajit Janar të vitit 2024″ informoi sot prokuroria e Tiranës.” – thuhej në njoftimin e Prokurorisë së Tiranë
