Policia e Tiranës ka arrestuar një person, të cilit në bazë të informacioneve të siguruara nga inteligjenca policore, i është gjetur një armë zjarri pa leje në banesë.
Në pranga është vënë shtetasi Xh. Gj., 57 vjeç, banues në Vilëz të Zall Bastarit. Mbi të rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”.
“Gjatë kontrollit të banesës së 57-vjeçarit, shërbimet e Policisë gjetën dhe sekuestruan, në cilësinë e provës materiale, një armë zjarri me krëhër e municion luftarak.” – thuhet në njoftimin e bluve të kryeqytetit.
Materialet i kaluan Prokurorisë për veprime të mëtejshme procedurale.
