Boston Celtics ka mundur me rezultat të thellë 107:89 Dallas Mavericks në ndeshjen e parë të serisë së finaleve të NBA.
Skuadra vendase kaloi në epërsi 37:20 pas çerekut të parë, dhe ndeshja ishte e njëanshme që në fillim.
Në një moment, Bostoni kishte një epërsi prej 29 pikësh dhe megjithëse Dallas shkurtoi rezultatin në 72:64 në mesin e çerekut të tretë, ata pësuan një disfatë bindëse.
Boston u udhëhoq drejt fitores nga Jaylen Brown me 22 pikë, Kristaps Porzingis, i cili u rikthye pas një dëmtimi prej një muaji, me 20 pikë dhe Jayson Tatum me 16 pikë dhe 11 Rebound
Dallas nuk u ndihmua as nga Luka Doncic, me 30 pikë e 10 kërcime dhe Kyrie Irving dështoi me vetëm 12 pikë.
Vëmendje të madhe në tribuna tërhoqi edhe trajneri i Manchester City, Pep Guardiola, i cili u shfaq në TD Garden dhe brohoriste për Celtics, për të cilët kishte veshur edhe bluzën e tyre.
Ndeshja e radhës e serisë finale luhet natën mes të dielës dhe të hënës, sërish në Boston.
