Shqipëria U21 pësoi disfatë 1-0 ndaj Malit të Zi U21, në ndeshjen që shkoi për llogari të kualifikueseve të Kampionatit Europian U-21 të vitit 2025.
Kjo humbje, bën që kuqezinjtë tashmë të mos kenë mundësi të kualifikohen, në një kompeticion kaq të rëndësishëm.
Sa i takon ndeshjes, pjesa e parë përfundoi me rrjetatë paprekura, paçka rastet nuk munguan.
Franeta vendosi ndeshjen me golin e tij në fund, i asistuar nga Radulovic. Kjo ishte ndeshja e katërt pa fitore e Shpresave duke zhgënjyer totalisht në këtë fushatë kualifikuesesh.
Me këtë disfatë, Kombëtarja e Alban Bushit shuan shpresat e kualifikimit për në Europian, duke qenë se kundërshtarët direkt që janë Finlanda dhe Rumania, kanë edhe 2 ndeshje të tjera për të luajtur, kurse ne pozicionohemi në vendin e katërt me 10 pikë.
