Pas një fund-sezoni vërtetë dëshpërues, Vllaznia i ka hyrë seriozisht merkatos së verës, teksa pas ish-mesfushorit, të Tiranës, Ardit Deliu, pasditen e kësaj të mërkure kanë zyrtarizuar një tjetër afrim në radhët e tyre.
Bëhet fjalë pas ish-qendërmbrojtësin e Skënderbeut, Melos Bajramin, me 22-vjeçarin, nga Maqedonia e Veriut, i cili zbarkon në “Loro Boriçi”, pas një aventure jo dhe aq të gjatë te skuadra e Gjilanit, në elitën e futbollit kosovar.
Futbollisti ka qenë pjesë e Skënderbeut në sezonin 2021-2022, por më pas kaloi në Maqedoninë e Veriut dhe Kosovë, duke luajtur në vitet e fundit me skuadra si Shkupi, Makedonija GP.
Ai ka nënshkruar një kontratë për një sezon më të drejtë rinovimi me shkodranët, të cilët e shohin si alternativë zëvendësimi për dyshen Juric-Stojanovic.
