Analisti Enton Abilelkaj tha në emisionin Now në Euronews Albania se ardhja e kryeministres italiane Georgia Meloni në Lezhë ishte për fushatë elektorale, për të mbrojtur veten dhe Edi Ramën.
Sipas tij, Meloni nuk tha asnjë detaj më shumë se sa përmban marrëveshja dhe që janë gjëra tashmë të ditura.
“E ka bërë për fushatë elektorale, për të mbrojtur veten dhe Edi Ramën, ne i dimë kushtet e marrëveshjes, detajet si do trajtohen emigrantët. Nuk dhanë asgjë më shumë se sa përmban marrëveshja. Ishte një vizitë për fushatë elektorale që ja dhuroi kryeministri i Shqipërisë një kryeministreje italiane. Rama jep integritet territorial për të marrë interesat e veta. Nga 2014 deri sot Shqipëria nuk ka bërë asnjë hap para pavarësisht miqësive personale që krijon Rama me liderët evropianë. Është vetëm një koncesion që ai shkëmben interesat e Shqipërisë për interesat e veta personale”, tha Abilekaj.
