Pas konfliktit në Ukrainë, Rusia do të jetë në gjendje të plotësojë forcat e saj në një hark kohor më të shkurtër se sa pritej deri më tani, ndoshta në dy ose tre vjet.
Një periudhë në të cilën NATO do të duhet të përpiqet të përgatitet për t’iu përgjigjur kërcënimit të mundshëm të një sulmi konvencional. Është ky paralajmërimi që ka dhënë Kreu i forcave të armatosura norvegjeze.
Duke folur për Bloomberg, gjenerali nënvizoi se prodhimi ushtarak i Moskës po funksionon me kapacitet të plotë dhe më shpejt se ai i Evropës.
“Dikush tha se do të duhen 10 vjet që Rusia të rindërtojë potencialin e saj, por kjo periudhë kohore tani konsiderohet e reduktuar ndjeshëm”, shtoi komandanti i përgjithshëm i forcave të Oslos.
Zëdhënësi i Kremlinit Dmitry Peskov ndërkohë paralajmëroi se, “të gjithë instruktorët e përfshirë në trajnimin e ushtrisë së regjimit ukrainas nuk kanë imunitet, pavarësisht nëse janë francezë apo jo ata do të goditen nga Rusia”.
