Kosova vazhdon të zhgënjejë tifozët, teksa së fundmi pësoi disfatë 3-0 ndaj Norvegjisë, në miqësoren e luajtur në Olso.
Një gol në pjesën e parë dhe dy në fraksionin e dytë të lojës mjaftuan, që skuadra e teknikut Solbakken, të siguronte një fitore të madhe, ku protagonist absolut ishte “bomberi” i sulmit, Erling Haaland, me të tre rrjetat e siguruara në minutat 15′, 70′ e 75′.
Pas kësaj sfide Norvegjia do të mendojë për miqësoren e radhës, atë të 8 qershorit ku përballë do të kenë Danimarkën, me këta të fundit, që do të testojnë veten para fillimit të Kampionatit Evropian të futbollit.
Kosova nga ana tjetër nuk do të zhvillojë asnjë ndeshje tjetër, deri më 6 shtator ku do të përballen me Rumaninë, në sfidën e parë, të Ligës C, në UEFA Nations League.
