Një ngjarje e rëndë është regjistruar mëngjesin e sotëm në Fier, ku një grua dyshohet se është hedhur nga kati i dytë i pallatit ku banonte dhe për pasojë ka humbur jetën.
Autoritetet policore raportojnë se viktima është shtetasja Sh. K., rreth 65 vjeçe. Ngjarja ka ndodhur rreth orës 06:30, në lagjen “Apollonia”. Dyshohet se gruaja e ka ndërmarrë aktin e rëndë në gjendje të rënduar psikologjike.
Grupi hetimor po punon për sqarimin e plotë të rrethanave të rastit.
