Këshilltari për Çështjet Ekonomike në PD, Dorian Teliti, thotë se kryeministri Edi Rama nuk po bën politika ndërkombëtare, por vetëm biznes ndërkombëtar.
Teliti shprehet se Shqipëria nodhet në një situatë qesharake, pasi edhe pse jemi në vitin 2024, ende diskutohet për mafian, krimin dhe drogën.
“Jemi në një situatë e cila është qesharake deri diku, jemi në vitin 2024 pra, çfarë diskutojmë sot?!
Mafia, krim e drogë!
Problematika më e madhe është se kryeministri nuk bën politikë ndërkombëtare por po bën biznes ndërkombëtar, pra kjo është diçka shumë shqetësuese.
Ndërkohë që je në rolin e kryeministrit duhet të bësh politika ndërkombëtare, të ruash marëdhënien me tjetrin, e kështu me radhë.
Ne po shohim dhe kryeministra ndërkombëtarë madje që po mundohen të futen në këtë arenën e biznesit vendas tonë shqiptar.
Jemi në situatë skandaloze, jo thjeshtë kjo kazino por të gjitha që u bënë me një listë të veçantë, të tëra këto duhen parë nga fillimi deri në fund, pasi një pjesë e tyre mund të jetë financuar edhe nga kartelet e drogës dhe kjo duhet të marrë fund një minutë e më parë. “– tha Teliti në ‘Kafe Shqeto’ në syritv.
