Kreu i Grupit Parlamentar të Partisë Demokratike, Gazment Bardhi, ka hedhur hije dyshimi për manipulimin e procesit të përzgjedhjes të anëtarëve të rinj të Këshillit të Lartë të Prokurorisë dhe Këshillit të Lartë Gjyqësor.
Komentet Bardhi i ka bërë në Komisionin për Çështjet Ligjore, Administratën Publike dhe të Drejtat e Njeriut, në nënkomisionin “për përzgjedhjen e kandidatëve për anëtarë të Këshillit të Lartë Gjyqësor dhe Këshillit të Lartë të Prokurorisë nga radhët e avokatëve”.
“Sekretarit i Përgjithshëm i Kuvendit, ka ndërhyrë në proces duke skualifikuar në shkelje të kritereve kandidatët”, ka thënë Bardhi.
