Sulmuesi Ernest Muçi vulosi miqësoren duke shënuar golin e tretë për Shqipërinë.
Talenti 23-vjeçar i Besiktas, deklaroi pas ndeshjes që dëshiron fanellën e titullarit në Kombëtare, por që është i gatshëm të sakrifikojë për të mirën e grupit.
“Ndjehem shumë mirë dhe tek transferimi dhe këtu në Kombëtare, jam i lumtur që shënova dhe arrita të luaj. Ishte një test për ne, por duhet të vazhdojmë të përgatitemi për Europianin.
Në skemën tonë majtas ose mbrapa sulmuesit është pozicioni im. Çdo lojtar ka egon e tij për të qenë në fillim, por është Kombëtare dhe të gjithë duhet të sakrifikojmë e rëndësishme është që Kombëtarja të marrë rezultate të mira.”
