Amir Rrahmani është prej vitit 2020 pjesë e Napolit duke u shndërruar në një element thelbësor për axurrët, me të cilët është shpallur si protagonist edhe Kampion i Italisë.
Në një intervistë për sajtin zyrtar të klubit, mbrojtësi tregon edhe momentin në të cilin iu desh të zgjidhte mes Shqipërisë dhe Kosovës ndërsa shtoi se e ndjen shumë përgjegjësinë në përfaqësuesen e tij duke qenë se është kapiten i Dardanëve.
“Kam jetuar 3 vjet në Monteruscello, kam jetuar sepse ishte një vend i qetë, ishte një vilë me pishinë. Që nga qershori i kaluar. Më pas u transferova në qendër të Napolit dhe jetoj në një apartament. Këtu kam mundësinë të përjetoj më shumë qytetin, të dal dhe të bëj pazar.
E ndjen barrën e të qenit kapiten i Kombëtares?
“Po, është përgjegjësi. Ne jemi një vend i vogël, kemi më pak se 2 milionë banorë, por kemi lojtarë cilësorë”.
Sa e vështirë ishte zgjedhja mes Shqipërisë dhe Kosovës?
“Kisha dyshime për këtë, nuk e dija sa e organizuar do të ishte federata kosovare, futbollin e kam filluar në moshën 8 vjeçare, edhe pse më pëlqente të luaja më shumë për argëtim me shokët e mi dhe jo në mënyrë konkurruese në një shkollë futbolli. “
