Bib Ndreca dhe Ardit Mustafa janë rikthyer në detyrën e tyre si gjyqtarë të GJKKO-së, nga Kolegji i Posaçëm i Apelimit.
Ndreca dhe Mustafa ishin gjyqtarë në ish-gjykatën e Krimeve të Rënda, por nuk e kaluan fazën e parë të vettingut dhe u shkarkuan nga Komisioni i Pavarur i Kualifikimit.
Por ata fituan procesin në shkallën e dytë të vetingut teksa është urdhëruar emërimi i tyre në detyrë ku të enjten e 29 majit.
Vendimi i tyre mban përkatësisht Nr. 282, datë 29.05.2024 të KLGJ-së për gjyqtarin Ardit Mustafa dhe me vendimin Nr. 283, datë 29.05.2024 të KLGJ-së për gjyqtarin Bib Ndreca.
Këtë të premte Bib Ndreca ishte pjesë e trupës gjykuese të dosjes “Plumbi i Artë” . Ndërsa Ardit Mustafa fillon në datën 19.06.2024.
Gjykata e Posaçme me emërimin e dy gjyqtarëve shkon në 11 në total, ndërsa organika e saj e plotë parashikon 16, pra mungojnë edhe 5 gjyqtarë të tjerë.
