Meksika është tronditur në prag të zgjedhjeve lokale, teksa kandidati për kryebashkiak u qëllua për vdekje me plumb në kokë në shtetin Guerrero.
Teksa ishte ne mesin e mbështetësve, një person afrohet dhe e qëllon pas koke Alfredo Cabrera, i cili ndërroi jetë në vend.
Cabera është kandidati i 24- të i vrarë që nga fillimi i fushatës përpara zgjedhjeve presidenciale, parlamentare dhe rajonale të së dielës, sipas shifrave zyrtare.
Así ejecutaron a José Alfredo Cabrera, candidato del PRI-PAN-PRD a la presidencia municipal de Coyuca de Benítez, Guerrero. pic.twitter.com/fqHZRO380Y
— (@lj_abarca) May 30, 2024
Kartelet e drogës dhe bandat e tjera po kërkojnë të “imponojnë kandidatë” në zgjedhjet e ardhshme, tha së fundmi Victor Serrato, një prokuror i specializuar në çështjet penale të lidhura me proceset zgjedhore në shtetin e Michoacán.
Qeveria e presidentit në largim Andrés Manuel López Obrador ka njoftuar se do të vendosë gjithsej 27.000 ushtarë dhe anëtarë të Gardës Kombëtare për të garantuar sigurinë e qendrave të votimit të dielën.
