Kryedemokrati Sali Berisha ka paralajmëruar kryeministrin Edi Rama në lidhje me rezolutën antikurrpsion të votuar nga mazhoranca socialiste dhe komisionin e posaçëm që pritet të ngrihet në seancën e radhës.
Berisha deklaron se nuk ka komision që ti shpëtojë lëkurën Ramës. Ai shprehet më tej se Rama mund të ngrejë dhjetëra komisione, por gjithsei është i destinuar të përfundojë në koshin e plehrave të historisë.
“Miq, koha fton për guxim.
Koha fton për revoltë.
Koha fton për sulme gjer në fitore.
Ndaj dhe beteja për bashkinë është betejë për Shqipërinë.
Beteja për bashkinë është betejë për të ardhmen.
Beteja për bashkinë është betejë për qeverinë teknike.
Beteja për bashkinë është beteja për zgjedhje të lira.
Edi Rama, iku koha kur mashtroje shqiptarët dhe botën me dëshmitare të rremë opozitën.
Opozita do të qëndrojë dhëmb për dhëmb, do të të marrë fytyrën, do u tregojë shqiptarëve dhe botës se sa i pafytyrë je ti, se cili je ti, shef i narkotrafikut, i shtetit të trafiqeve.
Ndaj dhe nuk ka akt, nuk ka atentat, nuk ka kurth, nuk ka vendim që të të shpëtojë ty nga sulmi i fitores të qytetarëve të Tiranës dhe të Shqipërisë.
Tani, nuk kanë sosur ditët. Nuk ka komision që të shpëton lëkurën. Krijo jo një, po dhjetëra komisione, je i destinuar të përfundosh në koshin e plehrave të historisë.“- tha Berisha.
