Te Kukësi është periudhë largimesh dhe kjo vjen nga zbritja e skuadrës në Kategorinë e Parë.
Fillimisht u mendua se drejtuesit do të bënin të pamundurën për të mbajtur boshtin e sezonit të kaluar, por mesa duket kjo pistë ka rënë shumë shpejt dhe Kukësi duhet ta nisë thuajse nga e para.
Franko Lamçe është i larguari i radhës. Lajmin e bën të ditur vetë mbrojtësi që zyrtarizon largimin me një postim në faqen e tij në “Facebook”.
“Pas 1 viti e gjysmë me Kukësin është koha për të thënë mirupafshim. Që nga dita e parë dhashë gjithçka për shokët dhe skuadrën. Do të doja të falenderoja klubin dhe tifozët për mbështetjen. Iu uroj vazhdimësi të mirë në të ardhmen. Faleminderit!”- shkruan mbrojtësi.
Lamçe ishte një nga lojtarët kryesor për verilindorët këtë sezon duke luajtur rregullisht në formacionin titullar.
25-vjeçari luajti në çdo pozicion të prapavijës, madje edhe në mesfushë.
