Finalja Dortmund-Real Madrid, Ancelotti: Përvoja vlen, por nuk jemi ne favoritët |

Trajneri i Real Madrid, Carlo Ancelotti analizoi Dortmund, në prag të finales së Champions League.

Tekniku italian u shfaq i bindur se lojtarët e tij kanë një vetëbesim të lartë, por pranon se ai i druhet kundërshtarit pavarësisht se Reali shihet si favorite për të fituar trofeun.

“Don Carlo” është i bindur se të tijtë do të duhet të vuajnë për të fituar Championsin e 15-të në historinë e klubit të bardhë.

“Djersa e ftohtë vjen pasditen e së shtunës. Është krejt normale. Por unë jam i përgatitur dhe ekipi im më jep shumë besim. Unë i shoh të përqendruar, në modalitetin e Champions League”.

Reali favorit? “Të mos mendojmë për këtë. Le të mendojmë të luajmë një ndeshje kundër një kundërshtari që e meritonte të arrinte në finale, bëri shumë mirë, eliminoi skuadra shumë cilësore. Dortmund u tregua i mrekullueshëm, qëndrim, përkushtim…. Jemi të bindur se do të vuajmë, do të luftojmë… Si në të gjitha finalet.

Ne jemi shumë të qartë në këtë pikë. Përvoja vlen, por ne kemi një ekip që ka arritur në finale me meritë. Dy skuadrat më të mira kanë arritur në finale. Shumë janë tashmë me pushime dhe ata do ta shikojnë ndeshjen në TV.

Finalja- “Le të shkojmë dhe ta luajmë me gjithë entuziazmin e botë që kërkon një finale. Të fillojmë mirë javën, të stërvitemi mirë, të jemi të qetë, të sigurt… Është një javë për t’u gëzuar. Ne do të gëzojmë deri të premten, sepse arritja në finale është gjithmonë një sukses dhe do ta shijojmë këtë moment”.

“Unë besoj se një aspekt themelor i jetës sonë janë marrëdhëniet ndërpersonale. Është gjëja më e rëndësishme. Ajo bazohet në respektin për personin. Ndihem mirë që e bëj dhe shpresoj që lojtarët gjithashtu përpiqen ta bëjnë këtë për mua. Marrëdhënia ndërpersonale është më e rëndësishme se ajo profesionale”.