Milani komunikoi zyrtarisht se sezonin e ardhshëm klubi dhe Stefano Pioli “nuk do të vazhdojnë bashkë”. Pas këtij njoftimi, lind me të drejtë pyetja: Kush do të ulet në pankinën e “Djallit” me lamtumirën e trajnerit nga Parma?
Stefano Pioli do të jetë ende në pankinë për të drejtuar skuadrën kuqezi në Milan-Salernitana, në javën e fundit të Serisë A. Ai do të ketë mundësinë të përshëndetet nga “San Siro”, ashtu siç e meriton.
Sezoni i Milanit, megjithatë, nuk do të përfundojë nesër. Në fakt, më 31 maj, në orën 13:00, kuqezinjtë do të udhëtojnë drejt Australisë për një ndeshje miqësore, në Perth, kundër Romës, në kujtim të Agostino Di Bartolomei.
Në këtë përvojë, Milani do të drejtohet nga Daniele Bonera, një ish-lojtar i kuqezinjve, i cili ka qenë prej vitesh pjesë e stafit teknik.
Dhe pastaj? Më pas do të jetë koha për të zyrtarizuar trajnerin e ri. Të gjitha rrugët të çojnë në Paulo Fonseca. Trajneri portugez po flet aktualisht me Lille për të kuptuar nëse ka kushte për të rinovuar kontratën e tij që skadon qershorin e ardhshëm, ndërkohë që perspektiva për një kalim te Marseille ka humbur konsistencën.
Milani, rrjedhimisht, mbetet opsioni kryesor për Fonsecan dhe Fonseca mbetet, për rrjedhojë, opsioni kryesor për Milanin, Te portugezi drejtuesit e kuqezinjve shohin njeriun e duhur për të mbështetur idetë e projektit të “Red Bird”.
