Këtë të hënë, Liverpool emëroi Arne Slot si trajnerin e ri të skuadrës duke zëvendësuar gjermanin Jurgen Klopp në këtë post.
Sipas një deklarate të lëshuar nga klubi, trajneri 45-vjeçar largohet nga Feyenoord dhe merr rolin e tij më 1 qershor teksa ka firmosur deri në vitin 2027.
“Trajneri 45-vjeçar i bashkohet ‘Reds’ nga Feyenoord, për sezonin 2024/25, pasi ka arritur një marrëveshje me klubin Eredivisie për shërbimet e tij”,- nënvizon deklarata.
Ajo shton se holandezi arrin në Angli pas “tre sezoneve shumë të suksesshme me Feyenoord, të cilin ai e udhëhoqi për të fituar ligën në 2023, duke u shpallur trajneri i vitit në Eredivisie në dy raste”.
Liverpool gjithashtu thekson se do të jetë hera e parë që një trajner nga Holanda merr këtë rol dhe bën të ditur se puna parasezonale është planifikuar për në korrik.
Trajneri holandez numëron 148 ndeshje në krye të pankinës së Feyenoord, me skuadrën që mori mesatarisht 2.15 pikë për ndeshje. Më parë, ai ka udhëhequr edhe AZ Alkmaar në Holandë.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit
— Liverpool FC (@LFC) May 20, 2024
