Javën që shkoi, SPAK lëshoi 50 urdhër-arreste për të goditur 7 grupe kriminale, pas bisedave në aplikacionin “Sky Ecc” të ardhura nga Franca dhe Belgjika. Disa prej urdhër-arresteve janë për ish-zyrtarë Policie dhe për ish-efektivë të RENEA-s, ku asnjëri prej tyre nuk u arrit të kapej.
Dy punonjësit e Policisë janë Henerigert Mitri dhe Klodian Shahini.
Henerigert Mitri aktualisht mban postin e shefit të sektorit në Drejtorinë e Përgjithshme të Policisë së Shtetit dhe më datë 17 maj, të premten që nisi operacioni për arrestimet, sipas burimeve që disponon News24, Mitri nuk është është paraqitur në punë në Drejtorinë e Përgjithshme të Policisë së Shtetit.
Po ashtu edhe Klodian Shahini, i cili aktualisht punonte në sallën operative të Policisë së Dibrës, nuk është paraqitur në punë më datë 17 maj, në ditën që po zhvillohej operacioni për arrestimet. News24 mëson se në operacionin e SPAK për arrestimet e personave të shpallur në kërkim, si rrallëherë nuk kanë marrë pjesë Forcat Operacionale.
