Një 24-vjeçar është arrestuar nga Policia e Tiranës, pasi mesditën e djeshme (19 maj), ka kanosur një 44-vjeçare dhe ka goditur me sende të forta shtetasin K. D., i cili është dëmtuar dhe ndodhet jashtë rrezikut për jetën.
Ndërsa është proceduar penalisht në gjendje të lirë edhe shoku i tij 21-vjeçar.
Ngjarja dyshohet është regjistruar për motive të dobëta.
“Specialistët për Hetimin e Krimeve të Komisariatit të Policisë Nr. 4 arrestuan shtetasin A. A., 24 vjeç, si dhe proceduan penalisht në gjendje të lirë shtetasin D. A., 21 vjeç, të dy banues në Tiranë. Ditën e djeshme, rreth orës 12:30, në rrugën “Hoxha Tahsim”, shtetasi A. A., dyshohet se, për motive të dobëta, ka kanosur shtetasen G. T., 44 vjeçe, ndërsa shtetasi A. A., ka kanosur dhe ka goditur me sende të forta shtetasin K. D., i cili si pasojë është dëmtuar dhe ndodhet jashtë rrezikut për jetën”, thuhet në njoftimin e policisë.
