Paraditen e ditës së nesërme do të mbahet seanca gjyqësore për 5 prej 14 personave të arrestuar në bazë të megaoperacionit të SPAK, ku u goditën 7 grupe kriminale.
Ditën e sotme GJKKO vendosi të lënë në burg 9 të arrestuarit, Miri Bruli, Naim Stafuka, Blerim Abazi, Armando Ndreca, Dejvis Bajramaj, Drianto Bardhi, Viktor Imeri, Robert Laçi, Santiljano Basho.
Prej tyre vetëm 6 të parët u arrestuan nga SPAK në operacionin e fundit, teksa tre të fundit Viktor Imeri, Robert Laçi, Santiljano Basho ndodheshin në burg të arrestuar më herët për akuza të tjera.
“Gjykata me vendimin nr50, dt. 19.05.2024 vendosi vijimin e masës së sigurimit arrest në burg për 9 të arrestuar. Ndërkohë, me dt. 20.05.2024 ora 10:00 do të zhvillohet seanca gjyqësore për 5 te arrestuar”, thuhet në njoftim.
