Manchester City ka shkruar historinë duke u kurorëzuar kampion i Premier League për të katërtin sezon radhazi.
Skuadra e drejtuar nga Pep Guardiola vijon me dominimin e futbollit anglez teksa pasditen e sotme mposhtën 3-1 West Hamin duke vulosur çështjen e titullit në javën e fundit të kampionatit.
Një dopietë e talentit anglez Phil Foden dhe një gol i Rodri mjaftuan për t’i dhënë trofeun e tretë këtë sezon City-t, pas fitimit të Superkupës së Evropës dhe trofeut të Botërorit të Klubeve, trofe i cili iu “rrëmbye’ sërish, Arsenalit, të cilët në krahun tjetër fituan, 2-1 ndaj Everton, por fitorja nuk mjaftoi.
Për “Qytetarët” ky është titulli i 10-të në histori. Skuadra nga Manchesteri në këtë sezon numëron 28 fitore, 7 barazime dhe vetëm 3 humbje duke grumbulluar 91 pikë, vetëm 2 më shumë se Arsenal i vendit të dytë dhe 9 më shumë se Liverpool i vendit të tretë.
Premier League mbyll kështu sezonin, ku katërshja e Champions League plotësohet nga Aston Villa, ndërsa në vendet 5 dhe 6, që sigurojnë pjesëmarrjen në Europa League e Conference League ndodhen Tottenham e Chelsea.
Ndërkaq, në Championship rikthehen sërish Luton Town, Burnley e Sheffield United.
Rezultatet e javës së 38-të:
Klasifikimi final:
