“Final Four” do të mësojë sot emrin e dytë që do t’i bashkohet Partizanit në finalen e kampionatit për këtë edicion të pazakontë të Superiores.
Egnatia dhe Vllaznia po përballen në “Air Albania” në gjysmëfinalen e dytë që po dhuron spektakël.
Rrogozhinasit kanë tundur rrjetën duke ndezur festën e tifozëve të pranishëm në stadium por vetëm për pak çaste pasi VAR ka ndërhyrë duke anuluar gjithçka.
Aksion i shpejtë i skuadrës rrogozhinase me Zejnullain i cili merr topin dhe lëshon një gjuajtje të pakapshme për Qarrin.
Por më pas gjyqtari Xhaja ftohet të shohë pamjet në VAR dhe është një prekje e topit me dorë gjatë aksionit nga Ibrahimoglu që e bën të pavlefshëm golin.
