Massimiliano Allegri nuk është më trajneri i Juventusit. Klubi bardhezi ka liruar nga detyra teknikun 56-vjeçar edhe pse disa ditë më parë skuadra fitoi Kupën e Italisë.
Lajmin e bën të ditur vetë klubi bardhezi në faqen zyrtare dhe në rrjetet sociale.
Juventus njofton se ka liruar Massimiliano Allegrin nga posti i trajnerit të ekipit të parë të meshkujve.
Shkarkimi vjen pas disa sjelljeve gjatë dhe pas finales së Kupës së Italisë që klubi i konsideroi të papajtueshme me vlerat e Juventusit dhe sjelljen që duhet të kishin ata që e përfaqësojnë atë.
Përfundon një periudhë bashkëpunimi, e cila filloi në 2014, rifilloi në 2021 dhe përfundoi, pas tre sezoneve të mëparshme së bashku, me finalen e Kupës së Italisë.
Klubi i uron Massimiliano Allegrit fat në përpjekjet e tij të ardhshme. – njofton klubi.
Massimiliano Allegri is no longer head coach of Juventus Football Club.
— JuventusFC (@juventusfcen) May 17, 2024
56-vjeçari nga Livorno e mbyll kështu përfundimisht me Juventusin, ekip të cilin e drejtoi dy herë, në dy periudha të ndryshme.
Allegri ishte në krye të ekipit në sezonet 2014-2019 dhe më pas u rikthye në vitin 2021, për të qëndruar deri më sot, kur bardhezinjtë vendosën ta shkarkonin.
Tashmë pritet emri i trajnerit që do të marrë drejtimin e bardhezinjve i cili pritet të jetë Thiago Motta.
