Mazhoranca futi me urgjencë në rendin e ditës së seancës së sotme plenare prjekt-ligjin që privatizon pronat publike, ku parashikohet edhe shkëmbimi i saj me private, një ligj i cili është në shërbim të oligarkëve për t’u falur pronat publike.
Nga foltorja e Kuvendit, deputetja e PD-së Jorida Tabaku u shpreh se ky ligj vjen i maskuar si propozim deputetësh, por sipas saj është në funksion të biznesmenëve. Tabaku deklaroi më tej se ligji nuk ka asnjë interes për qytetarët e thjeshtë, por u shërben biznesmenëve.
“Pak ditë më parë bëri lajm në media që një ish-drejtori të policisë i kishin konfiskuar prona me të ardhura 10 mln euro. Sa kohë i duhet një shqiptari të bëjë këtë pasuri me punë të ndershme. Ky nuk është rasti i parë dhe as i vetëm. kemi shembuj që tregojnë fabulën e një korrupsioni të ngritur në sistem. Nuk mundet dot të angazhohen për të luftuar korrupsionin dhe të angazhohesh me ligje. Propozimi i Shalsit, si ndodh rëndomë propozimet u zhvilluan e ndryshuan nga një rregullim burokratik n një transferimi ligjor. Ky është ligji i 18 që kap shtetin. Anashkalon konsultimin publik, njësoj si ligji i zonave të Mbrojtura është i sponsorizuar. Vjen i maskuar si propozim deputetësh por është në funksion të biznesmenëve. Sot sektori me abuzimin më të madh është sektori i pronave. Kur ka një leje zhvillimi i japin të drejtën të prishë objektet që janë atje.”- deklaroi Tabaku në Kuvend
