Për ekspertin e sigurisë Fation Softa, vrasësi i policit në Fier Novruz Cenaalij, Azgan Mërnica nuk ngjasonte me një person që ishte në arrati.
I ftuar në Euroneës Albania, Softa tha se 23-vjeçarin mund ta kenë fshehur të afërmit dhe familjarët, gjatë kohës që kërkohej nga policia, nisur nga pamjet ku Mërnica nuk dukej sikur kishte qenë në arrati, pasi ishte i qeshur, i veshur e trajtuar mirë.
Ndërsa sa i përket vrasjes, eksperti tha se mund të ketë qenë një konflikt i çastit.
“Një person i cili ka një situatë tepër të rënduar kriminale vetë dhe brenda familjarëve të tij. Babai i dënuar, vëllezërit të arrestuar. Në një moshë të re dhe bashkë me nënën e tij vret një punonjës policie. Hetimi mund të sjellë një situatë tjetër që mund ta rëndojë situatën e tij.
Fakti që në momentin e vetëdorëzimit, pamjet e dhëna nga mediat tregonin një person që nuk të jepte përshtypjen që në 48 orë që ne thonim që ishte në arrati, pamjet fizike nuk të jepnin përshtypjen se ishte në arrati. Ka qenë i sistemuar në një banesë në kushte komode. Sepse ai ishte i qeshur, i veshur mirë, i trajtuar mirë.
Nuk ndihej arratisja e një personi që ka kaluar dy netë në arrati apo e një personi nën presion policor. Mendoj se familjarët apo të afërmit mund ta kenë mbajtur 23-vjeçarin për 48 orë. Ai ishte i qeshur, sikur po hipte në taksi”, tha Softa.
