Banoret e Bërxullës që IKMT-ja i ka lajmëruar se do të iu shembë banesat, kanë kërcënuar se do të vetëflijohen duke u vetëdjegur me benzinë.
Banorët kanë kërkuar që të marrin dëmshpërblim për banesat që do të shemben, pais preken nga ndërtimi i autostradës Thuamanë-Kashar.
Një nga banoret e Bërxullës, ka paraljmëruar se do të vetëdigjet me benzinë nëse nuk dëmshpërblehen.
“Na kanë nxjerrë jashtë. Duam dëmshpërblimin ose banesa. Nuk ikim nga këtu. Kam bërë gati shishen e benzinës do të digjem këtu. Kanë dy muaj që vijnë rreth shtëpisë tonë. Shteti nuk ka marrë asnjë masë. Edhe në komisariat kur kemi shkuar na kanë përzënë.
Jemi 6 familje, 40 persona”, thotë një prej aty.
Ndërsa një tjetër banore deklaron se kërkon strehim dhe se nuk ka ku të shkojnë.
“Në fillim na thanë që do të na shpërblenin pastaj na thanë nuk do të merrni asgjë. Nuk na ka ardhur asnjë njoftim. Erdhi një procesverbal dje që na tha lironi menjëherë shtëpinë. Kërkojmë strehim. Nuk kemi ku të shkojmë, jemi në qiell të hapur. Kemi fëmijë ku do të jetojnë ata? Ata që paguan morën, ne jo”, deklaron një tjetër.
