Vrasja e efektivit të Shqiponjave Novruz Cenalia pas një konflikti të çastit me Asllan Azgan Mërnica, ka tronditur Fierit gjatë ditës së djeshme.
Ekspert i kriminalistikës Artan Rexhepi deklaron se pista e një atentati të planifikuar bie, pasi sipas tij autori nuk do të merrte nënën e tij në një atentat ku edhe mund të vritej.
I ftuar në Euronews Albania, Rexhepi tha se Mërnica, gjithçka e ka bërë në gjaknxehtësi e sipër.
“Autori kishte nënën në makinë, përjashtohet krimi i planifikuar, nuk do shkonte në atentat me nënën me vete se edhe mund të vritej. Për çfarë e duhej nënë në një atentat; i jep makinës shpejt që të më largojë nga vendngjarja, di të qëllojë me armë? Është kryer në gjaknxehtësi, s’i ka vlerë jeta e vet, mirë atij që ja merr, por as jeta e vet s’i ka vlerë”, tha eksperti.
