Një krim tronditës është regjistruar këtë të martë në Stajkovc të Shkupit, ku vëllai ka vrarë vëllain dhe kunatën dhe më pas ka qëlluar veten
Mediat në Maqedoninë e Veriut raportojnë se ngjarja ka ndodhur në orën 12:00, ku policia ka gjetur me lëndime të shumta në trup dhe në kokë dy bashkëshortët V.K 64-vjeç dhe S.K 57-vjeçe, në tarracën dhe në shkallët e shtëpisë.
Mjeku i Emergjencave Mjekësore në vendngjarje ka konstatuar vdekjen e shtetases S.K, ndërsa V.K me lëndime është transportuar në Kompleksin Klinikë “Nënë Tereza”, ku ka ndërruar jetë në orën 14:00.
Ndërkohë, disa minuta më vonë autoritetet policore maqedonase kanë gjetur të plagosur me shenja thike në trup edhe shtetasin L.K. 67 vjeç, vëllai i viktimës V.K. I plagosuri dyshohet se është autor i vrasjes.
Po vijojnë hetimet për zbardhjen e plotë të këtij krimi tronditës brenda familjes.
