Olivier Giroud ka njoftuar se do të largohet nga Milan në fund të sezonit për t’u transferuar në kampionatin amerikan, Major League Soccer.
Sulmuesi francez do të largohet nga gjiganti italian pas tre sezonesh ku fitoi titullin e Serie A 2021-22 dhe, sipas raportimeve të shumta gjatë javëve të fundit, do t’i bashkohet Los Angeles FC.
Giroud e bëri të ditur vendimin e tij me një video-mesazh të postuar në llogaritë e tij në rrjetet sociale si dhe në ato të klubit.
“Jam këtu për t’ju thënë se do t’i luaj dy ndeshjet e mia të fundit në AC Milan. Karriera ime vazhdon, por në MLS. Jam shumë krenar për gjithçka që kam bërë për klubin në këto tre vjet. Është e drejtë Koha për ta thënë më falni, unë jam pak i emocionuar, historia ime me Milanin përfundon këtë vit, por Milani do të mbetet përgjithmonë në zemrën time.”
Giroud iu bashkua Milanit në verën e vitit 2021 dhe shënoi 48 gola në 130 ndeshje në të gjitha kompeticionet.
