UEFA ka zgjedhur arbitrin që do të gjykojë në finalen e Champions League mes Real Madrid dhe Borussia Dortmund.
Supersfidën në “Wembley” do ta drejtojë slloveni Slavko Vinčić.
Gjyqtari 44 vjeçar, në këtë edicion të Champions League, ka drejtuar plot 5 sfida. Lacio-Atletiko Madrid, PSG-Milan, Napoli-Braga, Bayern-Lacio, dhe Borussia Dortmund-Atletiko Madrid.
Kjo është finalja e dytë europiane për të teksa më parë ka gjykuar në finalen e Europa League mes Frankfurt dhe Rangers në sezonin 2021-2022.
Ndërkohë asistentët e tij do të jenë Tomazh Klançnik, Andrazh Kovaçiç, Fransua Leteksie ndërkohë në VAR do të jetë Nejc Kajtazoviç.
