Teuta do të pres në “Niko Dovana” ekipin e Dinamos, ndeshje e vlefshme për javën e 36-të dhe të fundit të Abissnet Superiore.
Durrsakët pritet ta kenë stadiumin plot sot, pas edhe atij njoftimi ditën e djeshme, ku dyert do të jenë të hapura për të gjithë sportdashësit. Ekipi i Edi Martinit vjen pas 3 fitoreve radhazi, e fundit ajo kundër Erzenit 0-3 në transfertë.
Trajneri shkodran e ka bërë të qartë kur mori drejtimin e skuadrës që ata do të luftojnë për “Final 4”, dhe kështu po ndodh. Teuta pozicionohet në vendin e gjashtë me 47 pikë, 1 më pak se Skëndërbeu që ndodhet në të katërtin.
Nga ana tjetër edhe dinamovitët synojnë fitoren sot në Durrës. Ekipi i Mehmetit le të themi se e ka lëshuar vetë “Final 4”, për shkatë rezultateve tepër të dobëta që ka marrë këto 4 javët e fundit, ku llogarit 3 humbje dhe 1 barazim.
Tani ata do të provojnë letrat e fundit, por edhe në rast fitoreje kundër Teutës, përsëri duhet të shpresojnë në ndalesën e Tiranës dhe Skënderbeut.
Teuta: Vata, Jazxhi, Peposhi, Beqja, Daci, Kruja, Kotobelli, Lloci, Gjinollari, Arifi, Gjini
Dinamo:Hoxha, Janku, Meksi, Mija, Lorran, Allmuça, Qefalija, Denison, Zabërgja, Kaçorri.
