Java e fundit e Kategorisë Superiore po dhuron një spektakël të vërtetë që në minutat e para.
Lufta për “Final Four” duket se do të vazhdojë deri në momentet e fundit, teksa pa u mbyllur pjesa e parë janë shënuar plot 8 gola.
Skënderbeu shënoi golin e avantazhit përballë Vllaznisë në “Loro Boriçi” që në minutën e 5-të të sfidës, por shkodranët u përgjigjën vetëm pak minuta më pas.
Fillimisht Gerco kroson nga e majta për Liçon që godet me kokë brenda zonës duke përshëndetur rrjetën e shkodranëve, ndërsa Klajdi Halili, ishte ai që iu përgjigj duke rikthyer baraspeshën në të 14-tën.
Por golat nuk do të ndaleshin këtu pasi korçarët do të rimerrnin sërish avantazhin në minutën e 17-të falë realizimit të Yuri Merlim.
Nga ana tjetër Tirana kryeson 0-2 në transfertë ndaj Egnatias. Bardheblutë realizuan dy gola të shpejtë me anë të Patrick përkatësisht në minutat 12 dhe 14.
Me këto rezultate, skuadra e fundit që siguron “Final Four” është Skënderbeu, ndërsa Tirana duhet të shpresojë në ndalesën e korçarëve.
Në sfidat e tjera, Partizani kryeson 2-0 ndaj Erzenit të rënë nga kategoria. Për të kuqtë shënuan Kristian Mba (10′) dhe Xhuliano Skuka (21′).
Një përballje vetëm për statistikë është ajo mes Laçit dhe Kukësit me kurbinasit që kanë arritur të marrin epërsinë, ndërkohë në Durrës, takimi mes Teuta dhe Dinamos nuk ka prodhuar gola në 30 minutat e para.
Renditja Live:
