Gazetarja e kronikës Etleva Delia ka komentuar ekzekutimin në Athinë të 32-vjeçarit Roan Brahimi alias Sidorel Prendi, një personazh i njohur i botës së krimit në Qarkun e Lezhës, i cili ishte shpallur në kërkim për dy atentate, atë ndaj Brilant Martinajt dhe Ylli Brahimit.
Delia tha se atentati në Athinë është i treti rresht brenda një viti që lidhet me të shumëkërkuarin Ervis Martinaj, që pas zhdukjes së tij në gusht të vitit 2022 dhe autoritetet shqiptare janë shprehur se nuk kanë informacion për fatin e tij.
“Në një rrjedhë kronologjike është vrasja e tretë. Ngjarja e parë mbeti e vrarë gabimisht kamarierja e lokalit të Ftion Muratit në Don Bosko, u vra Gentjan Bejtja dhe sot Roan Brahimi. Bëhen tre ngjarje prej një viti e disa muaj që lidhen me Vis Martinaj, ndërsa për katër muaj bëhen dy vjet nga zhdukja e tij”, tha Delia në Abc.
Fation Murati u arrestua në tetor të 2022 ndërsa po lëvizte në makinë me një nga personazhet e njohur në botën e krimit, Indrit Doklen, i njohur për armiqësinë e tij me Ervis Martinaj, pasi ky i fundit ka qenë i gatshëm të paguajë 500 mijë euro për ekzekutimin e Dokles.
Gjithashtu, emri i Muratit doli në skenë edhe në atentatin ndaj Brilant Martinajt, i afërm i Ervi Martinajt i cili prej muajsh rezulton i zhdukur dhe nuk dihet ende asgjë për fatin e tij. Në këtë atentat, në zonën e Fushë Krujës, mbetën të vrarë, Brilant Martinaj, Diklen Vata dhe Besmir Hoxha.
Në atë kohë grupi hetimor mori në pyetje Muratin si person që kishte dijeni për ngjarjen, por e la të lirë më pas. Grupi ka patur dyshime se Murataj ka patur dijeni për atentatorët, por edhe pse dha deklarime për këtë ngjarjen, nuk u gjetën prova për implikimin e tij, duke e lënë të lirë. Po për të njëjtën ngjarje është pyetur edhe Indrit Dokle i cili ka deklaruar se nuk ka asnjë lidhje atentatin dhe më pas është lënë gjithashtu i lirë.
Sipas gazetares, atentati ndaj Roan Brahimit dukej se ishte i mirëorganizuar.
“Duket se ka qenë një atentat i mirëorganizuar, pasi objektivi është ekzekutuar”, tha ajo.
