Ermir Rashica fitoi penalltinë dhe e shndërroi po vetë në gol kundër Laçit. Sfida përfundoi në barazim 1-1 duke bërë që korçarët të ngjiteshin në “Final Four” dhe me kampionatin në javën e fundit janë ata favoritët për ta mbajtur këtë pozicion.
Pas ndeshjes, sulmuesi nga Mitrovica deklaroi:
“Ishte një ndeshje që ka pasur një ngarkesë shumë të lartë emocionale pasi luanim gjithçka.
Rrezikuam deri në fund që të komplikonim një sezon që unë do ta quaj pozitiv, por në fund falë insistimit tonë dhe besimit te cilësitë që kemi si ekip arritëm të merrnim një rezultat që na qetëson dhe mbi të gjitha, na lejon të provojmë edhe ‘Final 4’.
Jam i lumtur që goli im i hap rrugë një mundësie kaq të madhe për skuadrën. Mbeten edhe 90 minuta dhe do të tentojmë gjithçka për gjithçka. Jam i bindur se nëse ekipi sakrifikon, ia dalim për të hyrë në katërshe”, tha ai.
