Java e 35-të e Superiores ka dhuruar rezultate shumë interesante dhe ka bërë që të ketë një ide pak më të qartë për renditjen dhe objektivat e skuadrave.
Pas barazimit në Korçë, Laçi është zyrtarisht në “Playout” për mbijetesën, ndërsa lufta për vendin e katërt është më e zjarrtë se kurrë teksa do të marrë zgjidhje vetëm në javën e fundit të kampionatit.
Fitorja e Egnatias ndaj Dinamos ka zyrtarizuar rrogozhinasit si kryesuesit e kampionatit të rregullt, sido që të shkojnë ndeshjet e javës së fundit, pasi kanë një bilanc më të mirë se Partizanin në ndeshjet direkte.
Të kuqtë duhet të mbrojnë vendin e dytë në klasifikim, ndërsa në të tretin tanimë zbret Vllaznia. Sa i përket vendit të katërt, aty është për momentin Skënderbeu (48 pikë), por ka luftë deri në fund pasi Tirana, Teuta dhe Dinamo e ndjekin me një pikë më pak.
Java e 36-të do të luhet ditën e shtunë me të gjitha ndeshjet që janë parashikuar të startojnë në orën 16:00. Tirana udhëton në Rrogozhinë teksa do të përballet me Egnatian ku do të kërkojë vetëm fitoren dhe të shpresojë që Vllaznia të mundë ose të ndalë në një barazim Skënderbeun, me këtë takim që do të zhvillohet në Shkodër.
Në sfidën tjetër, 2 pretendentet për një vend të katërt, Teuta dhe Dinamo do të përballen në “Niko Dovana”. Ndërkohë sfida e fundit është ajo mes Partizanit dhe Erzenit.
Kategoria Superiore, Java 36:
E Shtunë, 11 maj:
Klasifikimi:
