Ernest Muçi kualifikon Besiktasin në finalen e Kupës së Turqisë. Sulmuesi shqiptar realizoi gol në ndeshjen gjysmëfinale ndaj Ankaragucu me takimin që u mbyll 1-0 në favor të Besiktas.
Ylli kuqezi e kërkoi gjatë gjithë pjesës së parë rrugën e rrjetës, por nuk e gjeti dot, ndërsa në të 70-tën ndezi festën vendase në stadium me një të djathtë të fortë.
Ndeshja e parë gjysmëfinale mes dy skuadrave ishte mbyllur në barazim pa gola, ndërsa realizimi i ish-sulmuesit të Tiranës rezultoi vendimtar mbrëmjen e sotme.
Muçi me shokë në finale do të përballen me fituesin e Trabzonsop-Karagumruk.
Muçi po përshtatet mjaft mirë te Besiktas, skuadër me të cilën po luan ndeshjet si titullar. Në kampionat, në 11 ndeshje, ka realizuar 3 gola.
