Një ditë para protestës së opozitës para Bashkisë Tiranë, ish-kandidati i PD-së për kreun e kësaj bashkie Belind Këlliçi, së bashku me ish-deputetin Klevis Balliu, kanë ngjitur postera në autobusat e linjave të ndryshme të kryeqytetit, ku kërkohet dorëheqja e kryebashkiakut Erion Veliaj.
Në pamjet e publikuara nga ish-deputeti demokrat, Këlliçi ka ngjitur postera ku jepen mesazhet për protestën e paralajmëruar nga opozita që do të mbahet para godinës së bashkisë, pas skandalit të dosjes ‘5D’.
Kujtojmë që opozita kërkon largimin e Veliajt, pasi e akuzon si të përfshirë në çështjen e inceneratorëve dhe se qëndron pas abuzimit për të cilin janë akuzuar dhe arrestuar disa ish-drejtorë të bashkisë.
