Policia izraelite ka bastisur ambientet e medias ‘Al Jazeera’ në Jerusalem, i thanë Reuters një zyrtar izraelit dhe një burim i Al Jazeera.
Sipas mediave të huaja, oficerët me rroba civile u panë duke çmontuar pajisjet e kamerës në një dhomë hoteli në videon e shpërndarë në internet.
Burimi i Al Jazeera tha se hoteli ishte në Jerusalemin Lindor, i përdorur si një zyrë de-facto.
Qeveria izraelite votoi për mbylljen e zyrës lokale të transmetuesit në pronësi të Katarit këtë pasdite.
Ofruesit e transmetimit satelitor dhe kabllor pezulluan me shpejtësi kanalin.
“Në përputhje me vendimin e qeverisë, transmetimet e stacionit Al Jazeera janë ndalur në Izrael”, thuhet në një mesazh në kanalin e mbyllur të shërbimit satelitor Yes.
Shërbimi kabllor Hot ndërmori veprime të ngjashme, thanë dëshmitarët.
