Gruaja në foto është Alma Arrazi dhe tre fëmijët e saj të cilët raportohen të zhdukur prej tre ditësh në Shkodër.
Njëri prej fëmijëve është gjetur i pajetë në lumin Drin nga një peshkatar. Sipas informacioneve, fëmija ka shenja dëmtimi në pjesën e fytyrës. Ndërkohë, dyshohet që edhe nëna me dy fëmijët e tjerë të kenë humbur jetën.
Polumbarët e forcave RENEA po bëjnë kërkime për trupat e tre personave të tjerë.
Ndërkohë, policia ka ndaluar bashkëshortin Ergys Arrazi, i cili më përpara kishte deklaruar për policinë se ka humbur kontaktet me familjen e tij.
Janë ende të paqarta arsyet e ngjarjes ndërsa po merren në pyetje familjarë.
