Një atentat mafioz është regjistruar këtë të shtunë në Selanik, ku është ekzekutuar një emigrant 41-vjeçar. Ngjarja ka ndodhur rreth orës 14:00 në rrugën Tsitsani në Stavroupoli.
Vrasjan e ka konfimruar dhe autoritetet policore, ku kanë raportuar se viktima ka marrë dy plumba, një në shpatull dhe një në shpinë, e cila i ka prekur edhe zemrën, duke bërë që ai të vdesë në vend.
Mediat greke raportojnë se viktima është qëlluar në momentin kur sapo kishte zbritur nga motori dhe kishte hequr kaskën. Ai u vra në momentin kur një automjet, ngjyrë të kuqe pa targa, iu afrua dhe e qëlloi në mes të rrugës.
Autorët dyshohet se kanë qenë tre persona, dy burra dhe një grua. Viktimën dyshohet se e ka qëlluar një prej burrave. Autoritetet kanë gjetur në vendin e ngjarjes vetëm një gëzhojë, teksa një tjetër dyshohet se është marrë me vete nga autori.
Sipas burimeve të mediave greke, viktima është me origjinë gjeorgjiane dhe më parë është arrestuar si pjesëtar i një organizate kriminale. Dyshohet se vrasja gjakftohtë është bërë për të larë hesapet lidhur me akte të paligjshme që lidhen me trafikun e drogës.
Vrasja e 41-vjeçarit ndodhi pranë një këndi lojërash, para syve të frikësuar të klientëve të një dyqani ngjitur.
